#النيلة
ايگول الشاعر :الزعيم علال الداف:
لحفول ابلا نيلة مغسول==موعباتو ماه اگليلة
لحفول اللي هو لحفول== الا بالكحلة والنيلة
فالنيلة والكحلة جمال==على ليگت غيد التحفال
صگلت جل وعين وتعدال==حال مع تعديلت حيلة
فالعين ولخلاگ وفالبال== واتمتميتة واتفشويلة
ماتورا فاحفول ابلا حال==فالعين ولاشورو ميلة
مايبطا عن بلدو ينشال==تارك فالخد اتمرديلة
ولاهو لاهي يبطى ماسال==ولاتومنى ذيك السيلة
إلى ج بكري فالزوال==يعدل تحويلة وإلى
ج فالليل ألامايطوال ==خبرو ماه امضي ليلة
لحفول ابلا نيلة مغسول.......
بيبوه بدي الحاج:
الكحلة والنيلة حيلات==اعياو يجو كماليات
تجمول ولاهم شينات ==ولافيهم وحدة مزحيلة
امال احفول ابلحريفات== واحويلة متنقيلة
ماهي هي بناي الذات==بمنات الشعب اتبهديلة
النزيهات الجميلات==ابلاكحلة وابلا نيلة
لحفول ابلا نيلة مغسول..............
#
حماية_التراث_والاصالة_الصحراوية
تعليقات
إرسال تعليق